不經不覺，這是Mr Veggie和我的第五個聖誕節了。
時間過得真快啊！想想也蠻浪漫的⋯ 但老公說⋯⋯
「我真佩服自己忍辱偷生既能耐，咁都捱到五年⋯⋯」
Well⋯ 本小姐無咁幼稚同佢計較呢啲口舌之爭，繼續開開心心過節～
.
聖誕當然要食聖誕大餐啦！今年精心準備⋯
意大利雲吞 豆腐渣煎蛋 配蘆筍 車厘茄橄欖沙律
個名好似好勁，但做法極簡單。
.
- 車厘茄橄欖切半，加橄欖油紅酒醋黑椒 basil碎略醃。
- 用現成菠菜芝士意大利雲吞，滾水放，再滾已經煮熟，加青醬落鑊加熱輕輕兜勻。
- 人地煎心型牛扒，我整心型 豆腐渣煎蛋。
- 蘆筍用水加鹽略烚，然後過冰水有助保持爽脆。
.
只需半小時就煮好了，反而擺盤花時間，諗住擺靚啲呃 Like 嘛，點知擺黎擺去都唔多好。
雖然賣相差啲，但味道唔錯啊！當然啦，全部現成的～
「你呢啲唔係叫煮，叫加熱！」
加熱都有技巧，好嗎～
.
聖誕大餐當然要配埋香檳先夠氣氛，Mr Veggie 酒量極差，所以買半瓶裝應應節就好。
.
沙律剩了一半材料，用來送酒剛好。
.
Mr Veggie 總不給我聽好說話，但無論他口多賤，人總是在這裡的❤︎❤︎
節日可以靜靜的跟親愛的一起過是最開心幸福的了。
Mrs Veggie 